206
شقيقة المصرية إيمان عبدالعاطي الملقبة بـ«أسمن امرأة في العالم» تحدثت لايف فيديوعلي صفحتها وفجرت مفاجأة لم نتوقعها كشفت فيه تفاصيل خطيرة عن حالة شقيقتها الصحية موجهة عدة تهم إلى الطبيب الهندي.
قالت شقيقة إيمان: «بكلمكم من مستشفى سيفي من مومباي في الهند، يمكن دي أول مرة اتكلم فيديو وأطلع على السوشيال ميديا، إحنا جينا الهند هنا يوم 11-2-2017، بعد ما موضوع إيمان انتشر..
المشاكل بيني وبين المستشفى بدأت من حوالي 3 أسابيع، لما جه الدكتور بلغني إن إيمان هتنزل آخر إبريل، وإن هم عملوا اللي عليهم وكده مبقاش في مشكلة، والموضوع كله بقى علاج طبيعي وفيش مستشفى في العالم بتقعد حالة عندها علشان خاطر علاج طبيعي».
واستكملت: «طبعا أنا قولته إزاي يا دكتور إيمان هتنزل، عندها مشاكل كتير، والموضوع مش مجرد علاج طبيعي وخلاص وهاتبقى كويسة، قالي لأ هي مافيهاش أي حاجة».
وكشفت شقيقة إيمان تفاصيل جديدة عن حالتها قائلة: «اللي الناس ماتعرفوش إن بعد 10 أيام من وصولها إلى الهند حصلها منشكلة في المخ ومانعرفش هي سببها إيه، في ناس بتقول إحتمال جلطة تانية غير اللي جتلها قبل كده، وفي بيقول كهربا زيادة في المخ، محدش عارف،
ولما حاولت أعرف إيه اللي بيحصل في أختي قاللولي مافيش جهاز آشعة مقطعية يناسب حجم إيمان، وطبعا دي مش مشكلتي إنك جبتني من بلدي لحد هنا وأنت عارف من أول يوم إن هي عندها مشكلة وكان عندها جلطة في المخ، لازم يبقى عندك كل الاستعدادات».
وأضافت شيماء: «إيمان حالتها بتدهور وبتزداد سوء، بتفوق بالكتير 4 أيام وترجع تاني حالتها تتدهور أكتر، ولما بتفوق بيشيروا في كل حتة أن إيمان خست نص وزنها، والكلام ده مش صحيح، مفيش حاجة اسمها إيمان نزلت 260 كيلو في شهرين، إيمان ما أتوزنتش من يوم ما جت لحد دلوقتي، إيمان مابتقدرش تاكل وتشرب، ونسبة الأوكسجين بتقل في جسمها».
===
ووجهت رسالة إلى طبيبها المعالج في الهند قائلة: «ماينفعش بعد شهرين ونص بعد ما أنت قولت هاتقعد من 6 شهور لسنة، وأنك مش هتتخلى عنها إلا لما تمشي على رجليها، ماينفعش تقولي هاترجع، والكلام ده كله طلع كدب علشان المتاجرة والبيزنس والشو والإعلام، أختي مش هتكون أداه لكل ده، وكل شوية يهددوني ويقولولي هانرمي أختك برة لو اتكلمتي في الإعلام أو أي حتة، وهي حالتها متدهورة جدا وخايفة يحصلها أي حاجة».
—
0%
